Igotz Ziarretaren lan berria produkzioan

Igotz Ziarreta meñakarra Bartzelonako Euskal Etxeko irudiaren arduraduna da, Ibarretxe lehendakariaren irudia Lumagorri Gay Festarako egindako kartel polemikoa gogoan dugu. Bai eta Durangoko azokarako egindako Olentzero biluziarena ere.

Maxkuriren twitter bidez Igotz Ziarretaren azken lana izango dena ezagutu dugu, MADE IN. Lan hau amaitu gabe dago, oraindik postprodukzio falta duela komentatu digu Igotzek (Making Txotxen prozesuko argazkiak). Azken emaitza iraila bukaeralderako prest egotea espero du, Bartzelonako Euskal Etxeko aurtengo irudiaren parte izango da. Euskal folklorea era idilikoan azaltzen digu, baskitos y neskitas, Balentin de Zubiaurreren pinturak baina argazkira modu probokatzailean ekarriak. Ondo aztertutako eszenografia eta iluminazioa, Altuna eta Esnalen Brinkola telesaila edo Barrenetxearen er(r)otaria argazkien girotzea gogoratzen digu batzutan. Estilismo kontua Bartzelonan dabilen Xanti Alkorta moda ikasle azpeitiarraren esku utzi du.

Azken emaitzari zai egongo gara ba, bitartean: MADE IN eta Igotzen weba.

MADE IN

Utzi erantzuna

Zure e-posta helbidea ez da argitaratuko. Beharrezko eremuak * markatuta daude